Boer ry glo kinders om op sy plaas

'n 41-jarige man wat na bewering twee minderjariges met sy kar omgery het, en ‘n derde aangerand het, doen vandag aansoek om borgtog in die Ermelo-hof.
Volgens kolonel Donald Mdhluli het Louis Johannes Grobler glo Vrydag die kinders van onderskeidelik 10, 11 en 13 jaar oud van diefstal beskuldig op 'n plaas in die omgewing. Hy het Maandag verskyn en staar twee klagte van poging tot moord en een van aanranding met die doel om ernstig te beseer in die gesig.