Vermeende moordenaar van polisiebeampte doen more aansoek vir borg

Die Valke het die ondersoek na die moord op ‘n polisiebeampte in Pienaar oorgeneem. Die 45-jarige Sersant Mandlenkosi Happy Thwala was by Kabokweni gestasioneer. Hy is die aand van 2 Augustus verskeie kere in sy huis geskiet. Die 29-jarige Zanele Mkhonto het gister weer in die KaNyamazane-landdroshof verskyn op die klagte. Sy bly in aanhouding en verskyn weer môre in Kabokweni vir 'n borgaansoek, aldus Kaptein Dineo Sekgotodi.