Ongeluk wat drie eis word ondersoek

Die departement van gemeenskapsveiligheid in Mpumalanga ondersoek ‘n ongeluk wat gisteraand die lewe van drie mans geëis het.
Volgens woordvoerder Moeti Mmusi was hulle om ongeveer 18:30 besig om ‘n band om te ruil van die minibus waarin hulle gery het tussen Karino en Kamagugu toe hulle van agter deur ‘n Ford Ranger getref is.
Al drie is op die toneel dood. Die bestuurder van die bakkie is ernstig beseer en hospitaal toe geneem vir behandeling.