Mpumalanga-onderwysdepartement neem stappe om tienerswangerskappe aan te spreek

Die Departement van Onderwys in Mpumalanga sê dit is bekommerd oor meisies van skoolgaande ouderdom wat babas kry. Agt-duisend-830 leerlinge tussen 10 en 19 jaar oud het tussen April 2021 en Maart vanjaar geboorte gegee. Landwyd is die getal 90-duisend.
Woordvoerder, Gerald Sambo, sê ‘n werkswinkel is verlede week gehou om die kwessie aan te spreek.
Strategieë sluit in om leerlinge die vaardighede te leer om gesonde besluite te neem oor verhoudings en seks, sowel as om kwessies rondom geslag en mag aan te spreek in ‘n ouderdom-geskikte, kultureel-relevante en wetenskaplik-gegronde manier.