SA Ope Spele by Rob Ferreira aangebied

Atlete van sewe provinsies begin vandag deelneem aan die Suid-Afrikaanse Sportvereniging vir Intellektuele Gestremdes se SA Ope Spele.
Dit word by Hoërskool Rob Ferreira aangebied in samewerking met die provinsiale departemente van onderwys en sport.
Atlete ouer as 16 jaar sal meeding in atletiek, landloop, netbal, basketbal en futsal.
Woordvoerder, Gerald Sambo, sê die week sal eindig met die einstryde in die verskillende kodes wat Vrydag plaasvind.