DA vra vir groter sigbaarheid van wetstoepassers vir 'n veiliger feestyd

Die DA in Mpumalanga het ‘n beroep gedoen op die provinsiale regering om die sigbaarheid van polisielede en verkeersbeamptes op provinsiale paaie hierdie feestyd te verhoog om motorongelukke te verminder. Trudie Grovè-Morgan sê ongelukke het in 2021/22 met 12-komma-5-persent toegeneem terwyl padblokkades, dronkbestuur operasies, en voertuie wat geweeg word afgeneem het teenoor die 2019/2020 boekjaar. Sy sê die party het ook skriftelik gevra dat daar dringend aan padinfrastruktuur aandag gegee word, omdat dit beduidend bydra tot gevaarliker paaie.