Man aangerand na hy met vrou se liggaam in 'n sak betrap word

'n Man is gistermiddag in Barberton gearresteer na hy betrap is met die liggaam van 'n 19-jarige vrou in 'n swart plastieksak. Hy was glo besig om dit in 'n trollie na die Barberton-stortingsterrein te stoot toe verbygangers agterdogtig geraak het. Die 38-jarige verdagte moes deur die polisie gered word van 'n woedende skare wat hom aangerand het. Hy is tans onder polisiebewaking in die hospitaal.