Moordverdagte gee homself oor in Belfast

’n 33-jarige man is in hegtenis geneem op aanklag van moord. Die 44-jarige Abel Magane is Woensdagaand in Belfast deur 'n verdagte in 'n wit Amarok-bakkie geskiet. Hy is met sy aankoms by Belfast-hospitaal dood verklaar. Die verdagte het homself gister aan die polisie oorgegee. Volgens die polisiewoordvoerder in Mpumalanga, Brigadier Selvy Mohlala, is die vuurwapen nog nie gevind nie. Die motief vir die moord is in dié stadium onbekend.