Elfjarige veg om lewe na skietery in Calcutta twee lewens eis

Twee mense, waaronder ‘n 11-jarige kind, veg om hul lewens in die hospital na ‘n skietery by Nhlalakahle Trust naby Calcutta gisteraand. Twee mense is dood in die voorval by ‘n perseel wat voorheen as taverne bedryf is. Volgens die polisiewoordvoerder in Mpumalanga, Brigadier Selvy Mohlala, het twee gewapende mans binnegekom en na willekeur begin skiet voor hulle op die vlug geslaan het. Die motief is tans onbekend.