Vrou buite taverne doodgeskiet toe sy aartappelskyfies probeer koop

# 'n 23-jarige man het gister in die Bosbokrand-landdroshof verskyn op 'n aanklag van moord. Dit volg op die dood Saterdagoggend van 'n 22-jarige vrou toe sy geskiet is terwyl sy in 'n motor buite 'n taverne gesit het. Volgens die polisie het sy en haar vriende daar parkeer om aartappelskyfies te koop. Die verdagte het van die taverne, wat gesluit was, af gekom en hulle opdrag gegee om te vertrek. Hy het glo verskeie skote in die rigting van hul voertuig afgevuur. Hulle het die toneel verlaat en toe besef die slagoffer bloei. Sy is na Mapulaneng-hospitaal gehaas waar sy omstreeks 3-uur weens haar wonde beswyk het.