DA vra dat LUR voor etiekkomitee verskyn oor neonatale eenheid in Witbank

Die DA in Mpumalanga beskuldig die LUR vir gesondheid, Sasekani Manzini, dat sy weggesteek het dat die neonatale eenheid by Witbank-hospitaal reeds ses jaar nie operasioneel is nie. Die DA-lid Jane Sithole sê Manzini het dit verswyg toe die DA haar daaroor gevra het en dit moes deur die Ouditeur-generaal aan die lig gebring word. Dit is ten volle toegerus, terwyl 258 babasterftes in die eerste kwartaal in die provinsie aangemeld is. Volgens Sithole moet Manzini voor die provinsiale wetgewer se etiekkomitee verskyn om verantwoording te doen.