Silulumanzi enigste waterverskaffer in Mpumalanga met Bloudruppelstatus

Silulumanzi is die enigste watervoorsiener in Mpumalanga aan wie Bloudruppelstatus toegeken is. Die Blou- en Groendruppelverslae is die week deur die minister van Water en Sanitasie, Senzo Mchunu, bekendgemaak. Dit meet die kwaliteit van water wat aan verbruikers voorsien word. Silulumanzi het boonop by vier wateraanlegte die status verwerf: Primkop, Karino, Nelspruit en Matsulu. Die waterverskaffer sê egter dit gaan nie oor toekennings nie, maar oor die verskaffing van veilige water aan inwoners.