Munisipale assistant-bestuurder aangekla van korrupsie in Witbank

‘n Assistent Finasiële Bestuurder by Emalahleni-munisipaliteit het gister in die Witbank-landdroshof verskyn op ‘n aanklag van korrupsie. Volgens die woordvoerder van die Valke, Kaptein Dineo Sekgotodi, het die 64-jarige Edwin Mphikeleli Sibiya na bewering in Junie verlede jaar aan ‘n forensiese ondersoeker omkoopgeld betaal vir toegang tot ‘n verslag oor ‘n ondersoek na wanadministrasie in die munisipaliteit. Sibiya is borgtog van 5-duisend-Rand toegestaan. Die saak is uitgestel tot 13 Desember. Nog arrestasies word verwag.