Vermeende rower borgtog toegestaan in jongste saak in Mbombela

‘n Man wat van verskeie gewapende rooftogte aangekla word, het gister in die Nelspruit-landdroshof verskyn vir die kaping van ‘n koerier-voertuig in Mbombela in 2017. Die 29-jarige Zola Mnisi word reeds aangekla van ‘n transitoroof in Malalane in Augustus, ‘n gewapende roof in Witrivier in Julie en ‘n moord en gewapende roof in Kabokweni in April. Volgens die woordvoerder van die Valke, Kaptein Dineo Sekgotodi, het sy vingerafdrukke hom met die 2017-saak verbind. Hy is borgtog van 2-duisend-Rand toegestaan. Die saak is uitgestel tot 29 Maart.