Polisie werk hard om onwettige vuurwapens uit te roei
Loading player...
Die polisiekommissaris in Mpumalanga, Luitenant-generaal Semakaleng Manamela, sê die polisie werk hard om die verspreiding van onwettige vuurwapens hok te slaan. Dit volg op die arrestasie Maandag tydens Operasie Shanela van 'n verdagte op die N3-snelweg naby Grootvlei. Mthabisang Gagayi was 'n taxi-passasier en kon nie 'n vuurwapenlisensie toon vir sy vuurwapen met drie rondes ammunisie nie. Volgens die polisiewoordvoerder, Kolonel Donald Mdhluli, het hy Woensdag in die Balfour-landdroshof verskyn vir die besit van ’n ongelisensieerde vuurwapen met ammunisie. Die saak is tot Maandag uitgestel.
