Verdagte aangekeer weens skietdood van vroulike mybestuurder
Loading player...
Die polisie in Mpumalanga het ‘n verdagte aangekeer in verband met die moord Donderdagoggend op ‘n 27-jarige vroulike mynbestuurder in Carolina. Luidens berigte was Zanele Zwane op pad werk toe, toe sy in haar voertuig geskiet is. Sy was in die bestuurdersitplek van haar wit Toyota-bakkie wat geluier het met koeëlwonde aan haar bolyf. Die 38-jarige man is Saterdag gearresteer en sal vandag in die Carolina-landdroshof verskyn. Die polisiewoordvoerder, Kolonel Donald Mdhluli, sê die motief is steeds onbekend.
