Vermiste narkotiseur vermoor gevind in Mbombela

# Die narkotiseur wat gisteroggend in Mbombela as vermis aangegee is, is gistermiddag dood gevind in 'n woonstel in die stad. Dokter Nicholas Procter is na vermoede vermoor. Hy is as vermis aangemeld toe hy nie vir werk opgedaag het nie. Sy voertuig is by die Elawini-brug opgespoor en die omgewing is deursoek. Die soektog is later verskuif na ander areas. Volgens die polisie was sy hande en voete vasgebind toe hy gevind is. 'n Polisiewoordvoerder, Kaptein Magonseni Nkosi, sê hulle verwag om binnekort 'n arrestasie te maak.