Finansiële beampte besteel glo laerskool in Delmas

’n 52-jarige finansiële beampte by ‘n laerskool in Delmas verskyn vandag in die Delmas-landdroshof op aanklagte van bedrog. Volgens die Valke het sy tussen Maart en November verlede jaar meer as 2-miljoen-Rand uit die skool se bankrekening na haar eie private rekeninge oorbetaal. Die woordvoerder van die Valke in Mpumalanga, Kaptein Dineo Sekgotodi, sê sy het die name van rekeninghouers wat aan die skool bekend is, gebruik om die transaksies te verdoesel. Sy is Vrydag gearresteer.