Vrou wat Delmas laerskool glo besteel verskyn in hof

’n 52-jarige finansiële beampte by ‘n laerskool in Delmas het gister in die Delmas-landdroshof verskyn op aanklagte van bedrog. Volgens die Valke het Larrisa Aloma Vern tussen Maart en November verlede jaar meer as 2-miljoen-Rand uit die skool se bankrekening na haar eie private rekeninge oorbetaal. Die woordvoerder van die Valke in Mpumalanga, Kaptein Dineo Sekgotodi, sê sy het die name van rekeninghouers wat aan die skool bekend is, gebruik om die transaksies te verdoesel. Sy bly in aanhouding tot sy Maandag om borgtog kan aansoek doen.