Man moet 20 jaar sit na hy sy verloofde skiet
Loading player...
Die KwaMhlanga-streekhof het die 43-jarige Gladstone Sipho Mahlangu tot 20 jaar direkte gevangenisstraf gevonnis vir die moord op sy verloofde en poging tot moord op haar kêrel in 2019. Hy het lobola aan Siphiwe Mavis Mokoena se familie betaal en hulle het twee kinders saam. Volgens Monica Nyuswa, die woordvoerder van die Nasionale Vervolgingsgesag, het hy haar saam met 'n ander man gevind en 'n woordewisseling het ontstaan. Mahlangu het beweer hy het haar per ongeluk en die man uit selfverdediging geskiet. Sy weergawe is deur die hof verwerp.
