Ses leerlinge in Kabokweni deur voertuig getref

Ses leerlinge van Sibhulo Sekondêre Skool in Kabokweni is gister beseer in ‘n ongeluk toe die bestuurder van ‘n voertuig beheer verloor het, en die kinders wat op die sypaadjie gestap het, getref het. Die Mpumalanga Departement van Onderwys sê drie van die leerders is ernstig beseer en drie het ligte beserings opgedoen. ‘n Woordvoerder van die departement, Gerald Sambo, sê vier skoliere is intussen uit Themba-hospitaal ontslaan.