Pastoor gevonnis wat tiener meisie verkrag

Die Nasionale Vervolgingsgesag het die vonnis verwelkom van ‘n 42-jarige pastoor wat ‘n 14-jarige in 2020 in Kabokweni verkrag het. Dumisani Khumalo is Vrydag tot lewenslank gevonnis deur die Hof vir Seksuele Oortredings in Nelspruit. Volgens die woordvoerder vir die NVG in Mpumalanga, Monica Nyuswa, het Khumalo twee meisies ‘n saamrygeleentheid aangebied en na hy die vriendin afgelaai het, die slagoffer aangeval. Die hof het bevind hy het geen berou getoon nie, en het die minimum voorgeskrewe vonnis opgelê.