Polisie soek na twee vermiste mans in Low's Creek
Loading player...
Die polisie in Mpumalanga is besig met 'n soek-en-red-operasie in Low's Creek buite Mbombela, na twee mans van Pienaar eergister as vermis aangemeld is. Volgens die polisie vermoed hulle die mans is op 'n uitstappie die berge in, en hulle is nie weer gesien nie. 'n Polisiehelikopter sal vandag in die area ontplooi word om na hulle te help soek in die onherbergsame terrein. Die polisiewoordvoerder, Kolonel Donald Mdhluli, moedig lede van die publiek aan om na vore te kom met enige inligting.
