Goven Mbeki lieg oor rede vir watertekorte
Loading player...
Die DA in Govan Mbeki is geskok om te verneem dat die munisipaliteit die publiek mislei het oor die oorsaak van die watertekorte regoor die munisipaliteit. DA-raadslid Fiona Pelman sê die munisipaliteit het vir inwoners gelieg en beweer dat hoë aanvraag en infrastruktuur-uitdagings onlangse waterafsluitings veroorsaak het. Die LUR vir Cogta, Speedy Mashilo, het egter tydens 'n portefeuljekomiteevergadering aan die lig gebring dat Rand Water 'n 50%-waterversperring op die munisipaliteit afgedwing het weens hul skuld – wat meer as R800 miljoen is.
