Vermeende bedrieërs uit op borgtog in Komatipoort
Loading player...
Twee mense wat elk meer as 500 klagte verwant aan bedrog in die gesig staar, is Woensdag borgtog van R10 000 in die Komatipoort-landdroshof toegestaan.
Hugo Christiaan le Roux (41) en Rochelle Edith du Plessis Bekker (35) word hulle van bedrog, diefstal en geldwassery aangekla.
Volgens kapt. Dineo Lucy Sekgotodi, woordvoerder van die Valke in Mpumalanga, het hulle glo ongeveer R1,9 miljoen gesteel.
Daar word beweer dat Le Roux, ‘n bestuurder by Izusa Carriers, en Du Plessis Bekker, eienaar van HLR Contracting, tussen 2015 en 2018 saamgesweer het om vervoerdienste aan kliënte van Izusa te verskaf.
Hulle het na bewering belastingfakture aan die kliënte uitgereik met 'n hoër tarief as wat werklik verskuldig was en die verskil in hul persoonlike bankrekeninge inbetaal.
Die saak is tot 20 November uitgestel.
Hugo Christiaan le Roux (41) en Rochelle Edith du Plessis Bekker (35) word hulle van bedrog, diefstal en geldwassery aangekla.
Volgens kapt. Dineo Lucy Sekgotodi, woordvoerder van die Valke in Mpumalanga, het hulle glo ongeveer R1,9 miljoen gesteel.
Daar word beweer dat Le Roux, ‘n bestuurder by Izusa Carriers, en Du Plessis Bekker, eienaar van HLR Contracting, tussen 2015 en 2018 saamgesweer het om vervoerdienste aan kliënte van Izusa te verskaf.
Hulle het na bewering belastingfakture aan die kliënte uitgereik met 'n hoër tarief as wat werklik verskuldig was en die verskil in hul persoonlike bankrekeninge inbetaal.
Die saak is tot 20 November uitgestel.
