Soektog duur voort na vermiste veldwagter

Dit is vandag drie weke sedert Checkers Mashego, ‘n veldwagter in die Krugerwildtuin, vermis geraak het.
Provinsiale polisiewoordvoerder, kolonel Donald Mdhluli, sê hulle volg elke leidraad en elke stuk inligting wat hulle van die publiek ontvang, op.
Hulle soek ook buite die wildtuin. Dit het egter nog niks opgelewer nie.
Mashego is laas op 17 November in die Stolsnek-area van die park gewaar. Hy was saam met ‘n ander veldwagter op patrollie toe hulle uiteen gegaan het om iets verdags te ondersoek.