Sluit by Mediclinic aan as vrywilliger

Mediclinic het mense genooi om as vrywilligers hul mediese personeel in hospitale by te staan.
Dokter Estelle Coustas, Mediclinic Suid-Afrika se hoof van verpleegkunde, sê hul personeel het ondersteuning nodig met die dat hospitale so besig is.
Mense met en sonder ‘n mediese agtergrond kan op hul webtuiste aansoek doen om deel te word van die groep se formele program.
Almal sal die nodige opleiding ontvang.
Volgens Coustas waardeer hulle ook hoe gemeenskappe uit hul eie die personeel ondersteun.
By Nelspruit Mediclinic help Lifeline onder meer om vir personeel berading te gee.