Reho Spa is nie gereed om oop te maak nie

Volgens berigte is die ikoniese Reho Spa-swembad op Rehoboth amper gereed om genot aan jonk en oud te verskaf, met die Desember-skoolvakansie net om die draai. Munisipale werkers beoog glo om die herstelwerk aan die swembad en sommige van die braaigeriewe teen die tweede week van November te voltooi. Kosmos 94.1 Nuus het met die Rehoboth burgemeester, Justin Coetzee, gepraat wat sê die inligting is foutief. Daar is nog geen aanduiding wanneer die spa sal heropen nie.