Nuus
Kry die nuus soos dit breek.
04
DEC
5am
Gesondheidsdirekteur sê staatshospitale is gereed vir feestyd
Nangombe het ‘n beroep op Namibiërs gedoen om veilig te bestuur.
04
DEC
5am
Gesondheidsdirekteur sê staatshospitale is gereed vir feestyd
Tydens die feestyd vind baie ongelukke plaas, veral op ons nasionale paaie. In die meeste gevalle vereis hierdie ongelukke professionele nooddienste soos ambulanse en mediese aandag. Kosmos 94.1 Nuus het na die Namibiese gesondheidsministerie uitgereik om uit te vind of die ministerie al sy arsenale in plek het wanneer hulle op noodoproepe tydens feesseisoen ontbied word. Die ministerie se uitvoerende direkteur, Ben Nangombe het met Kosmos 94.1 Nuus gepraat.
04
DEC
5am
SA justisieminister sê dis pynlik om Janusz Walus op parool vry te laat
Die minister van justisie en korrektiewe dienste in die buurland, Ronald Lamola, sê die Konstitusionele Hof se besluit oor die vrylating van Janusz Walus op parool gaan respekteer word. Hy sal vrygelaat word sodra hy uit die hospitaal ontslaan word na hy by die Kgosi Mampuru-gevangenis in Pretoria met 'n mes gesteek is. Walus het die leier van die Suid-Afrikaanse Kommunisteparty, Chris Hani, in April 1993 in 'n sluipmoordaanval vermoor. Lamola sê die hof se beslissing is pynlik.
04
DEC
4am
MTC se SIMkaartregistrasie-veldtog is suksesvol
MTC is suksesvol in sy veldtog vir SIMkaart-registrasie vir sy meer as twee miljoen kliënte. Volgens die Kommunikasie Regulerende Owerheid van Namibië, Cran, het lede van die publiek nog 12 maande om hul SIM-kaarte te registreer. Verpligte registrasie begin eers op 1 Januarie volgende jaar en volgens die uitvoerende hoof van Cran, Emilia Nghikembua, sal verpligte registrasie op 31 Desember 2023 ten einde loop. Sy sê sy is tevrede met die verloop van registrasie. John Ekongo, MTC se korporatiewe kommunikasiebestuurder, vertel aan Kosmos 94.1 Nuus hoe dit met die registrasie gaan.
04
DEC
3am
Erongo verskerp veiligheid in feesseisoen
Die Erongo-streek in die weste van Namibië is een van die besigste dele van die land gedurende die feestyd. Namibiërs en buitelandse vakansiegangers stroom na die streek, met sommige mense wat by die see wil gaan afkoel, terwyl ander na die asemrowende Namibwoestyn wil besoek. Kosmos 94.1 Nuus het met die goewerneur van die streek Neville Andre gesels oor hoe die voorbereidings gaan rakende die veiligheid van besoekers.
04
DEC
2am
Namibiese verbruikers is ook in 'n sinkende geldbootjie
‘n Namibiese ekonomiese kenner het gereageer op Deloitte se Toestand van die Verbruiker-opname wat verbruikers in 24 lande navors. Dit dui daarop dat Suid-Afrikaanse verbruikers die derde angstigste ter wêreld is. Volgens Rodger George van Deloitte het die opname getoon Suid-Afrikaanse verbruikers is bekommerd oor finansies. Sowat 70 persent van Suid-Afrikaners is bekommerd oor die stygende lewenskoste. Laer inkomstegroepe bestee geld aan kos en noodsaaklikhede. George sê 38 persent van die respondente, sê hulle het nie geld oor nadat hulle hul uitgawes betaal het nie. Dr. Omu Kakujaha-Matundu van die departement ekonomie aan die Universiteit van Namibië, sê aan Kosmos 94.1 Nuus Namibiërs is in dieselfde bootjie.
04
DEC
2am
Politieke kenner sê ANC is 'n verdeelde party
'n Professor by die Wits-leerskool vir Regeerkunde, William Gumede, sê die ANC gaan later die maand na sy 55ste verkiesingskonferensie by Nasrec, Johannesburg, as 'n verdeelde party. Die ANC-president, Cyril Ramaphosa, staar 'n moontlike staat van beskuldiging in die gesig oor bevindings teen hom in die Phala Phala-verslag. Gumede sê die ander ANC-presidentskandidaat, Zweli Mkhize, staar bewerings van korrupsie in die gesig weens die Digital Vibes-skandaal.
04
DEC
12am
Herverkiesde Walvisbaai-burgemeester het groot planne
Trevino Forbes is as die burgemeester van Walvisbaai herkies tydens die munisipaliteit se spesiale raadsvergadering om ampsdraers vir sy 2023-termyn te verkies. Sara Mutondoka is die nuwe onderburgemeester en raadslid Richard Hoaeb is as die voorsitter van die bestuurskomitee verkies. Forbes sê aan Kosmos 94.1 Nuus watter projekte hy beplan met sy herverkiesing as burgemeester van die hawedorp.
03
DEC
11pm
Omgewingsministerie sê Etosha-paaie nie só sleg
Die omgewingsministerie sê die meeste paaie in die Etosha Nasionale Parke is nie in só 'n slegte toestand soos volgens berigte nie. Die woordvoerder, Romeo Muyunda sê meer as 100 miljoen Namibiese dollar word op die opgradering en instandhouding van paaie in westelike Etosha bestee. Hy erken egter dat paaie aan die oostelike kant by Halali, Namutoni en Okaukuejo instandhouding nodig het, maar die padskrapers word tans herstel. Muyunda sê sommige mense gaan snuffel in die park om fout te vind. Hy sê daar word na die watergate gekyk waar sommiges tegniese probleme ondervind het. Muyunda bevestig ook dat daar geen veldbrande die afgelope maand in die park was nie.
03
DEC
5am
Duin 7 is tot 15 Desember gesluit
Die Namibiese omgewingsministerie het aangekondig Duin 7 by Walvisbaai in die Dorob Nasionale Park sal vanaf vandag tot 15 Desember vir besoekers gesluit sal wees. Dit volg nadat die ministerie ook onlangs aangekondig het dat besoekers vanaf Desember toegangsfooie tot Duin 7 sal moet opdok om die geriewe in stand te hou. Volgens die woordvoerder, Romeo Muyunda, sal dié gewilde toeriste-trekpleister gesluit wees om opgradering en herstelwerk aan die ablusiegeriewe en ander infrastruktuur te doen. Muyunda sê die ministerie wil Duin 7 skoonmaak voor toeriste tydens die feesseisoen daarheen stroom.
03
DEC
1am
Action SA: Ramaphosa se stilte is oorverdowend
ActionSA sê die stilte van President Cyril Ramaphosa in die nadraai van die Artikel 89-paneel se verslag oor Phala-Phala, het oorverdowend geword. Lerato Ngobeni van ActionSA sê Ramaphosa tree op soos 'n beskuldigde wat sy regte uitoefen om hom nie te inkrimineer nie, terwyl hy terselfdertyd die interne oorwegings van die ANC voorop stel. Met geen duidelikheid oor wanneer die president die nasie gaan toespreek nie, is Ngobeni bekommerd dat Suid-Afrikaners en die ekonomie nie in Ramaphosa se denke ter sprake is nie.
03
DEC
1am
Stad Windhoek hou Kersstraatmark
Stad Windhoek se Kersstraatmark is in volle swang in die hoofstad en duur nog tot môre. Die mark vind in die Zoopark in Onafhanklikheids-rylaan plaas. Verskillende produkte word uitgestal en die inwoners kan hul Kers-inkopies daar gaan doen. Stad Windhoek se kommunikasiebeampte Lydia Amutenya sê aan Kosmos 94.1 Nuus verskeie munisipale dienste sal ook by die mark aangebied word.
