Regter-president van Oos-Kaap skuldig aan 'oneerbaarheid'

Mbekezeli Benjamin van Judges Matter sê die regter-president van die Oos-Kaapse Hooggeregshof, Selby Mbenenge, sal nou na die Regterlike Dienskommissie verwys word, wat oor moontlike sanksies sal besluit. Dit volg nadat Mbenenge van seksuele teistering vrygespreek is, maar skuldig bevind is daaraan dat hy nie eerbaar opgetree het nie deur ’n werksplekverhouding met ‘n voormalige hofsekretaresse te begin. Volgens Benjamin kan Mbenenge moontlike strawwe in die gesig staar, insluitend boetes, skorsing, skriftelike waarskuwings of ’n verskoning.