Mariental kry wel rouwater - NamWater

Kommer oor rouwatervoorsiening in Mariental het vrae laat ontstaan oor of NamWater toegang beperk. Maar die nutsmaatskappy dring daarop aan dat rouwatervoorsiening aan die dorp nog altyd aaneenlopend was. Woordvoerder Lot Ndamanomhata het aan Kosmos 94.1 Nuus gesê dat Mariental een van die verste kliënte op die Hardap-besproeiingstelsel is, en hoewel ouer infrastruktuur en verhoogde vraag van boere waterdruk aan die verste punt kan verminder, staar die dorp self geen tekort in die gesig nie. Ndamanomhata sê hulle konsulteer oor die opgradering van die kanaalstelsel.