Olie-plaaslike inhoudsbeleid onder loep by werkswinkel

'n Valideringswerkswinkel is aan die gang vir die Nasionale Stroomop Petroleum Plaaslike Inhoudsbeleid, die raamwerk om te verseker dat gewone Namibiërs voordeel trek uit die land se opkomende olie- en gasbedryf. Met die opening van die werkswinkel het die minister van energie, Modestus Amutse, gesê dat die beleid op 14 Augustus deur die kabinet goedgekeur is en net deur belanghebbendes verfyn moet word.