Skrywersfees 2016
Opnames van die Skrywersfees items vanaf Woordfeees 2016
Leon van Nierop: Daar doer in die fliek
Aangebied deur Protea: Leon van Nierop vertel staaltjies uit vergange dae en gesels oor die wonderlike geskiedenis van die Suid-Afrikaanse filmbedryf, soos uiteengesit in sy nuwe boek, Daar doer in die fliek.
John-Hanks: Beneuk en verlief
Aangebied deur Lapa:
Sophia Kapp (Honderd en een oorlewingswenke vir ʼn bedonnerde diva), Alta Cloete (Opdrag van oorkant) en Santie van der Merwe (Vandat jy weg is) gesels met Elmari Rautenbach oor sterk vrouekarakters wat bedonnerd, beneuk en verlief is.
Amore Bekker: Hartstories
Aangebied deur Tafelberg, ʼn druknaam van NB-Uitgewers: Daar’s stories oor taximanne, kalfies, padpiepies, sagopoeding, en veral oor liefde en onverwagse medemenslikheid. Die geliefde en gewilde Amore Bekker praat oor Hartstories: Huis toe met ʼn ligter tred, haar keuse van die beste goedvoelstories uit haar gewilde RSG-program, “Tjailatyd”.
Willem Anker: Samsa-masjien
Aangebied deur Protea: Soos Gregor van die Kafka-verhaal, ondervind Gregor Samsa ’n stelselmatige insekwording, wat deur sielkundiges, psigiaters en dokters toegeskryf word aan die ouditiewe en taktiele hallusinasies van dementia-lyers. Samsa-masjien het verskeie Kanna- en Fiësta- toekennings ontvang. Tertius Kapp gesels met die bekroonde drama-turg.