Weens my siekte toestand verlede jaar het ek glad nie my eie Radio programme aangebied en vervaardig nie. Wel, loof die Koning ek is gesond en genees! Ek het die nuwe jaar met 'n baie dankbare hart afgeskop en het weer begin om my eie program aan te bied en te vervaardig. Jy kan vanmiddag om 16h00 luister na my eerste "Baasraak saam Coach Freek" program vir die jaar op Baasraak Radio.

Ek gesels met Rudi Erasmus. Rudi was al op 30 jarige ouderdom 'n baie suksesvolle besigheidsman gewees. Hy het alles besit wat sy hart begeer het. Mooi huise, karre, 'n boot en jetski's ens. Rudi was egter uitgebrand en het leeg gevoel. Al sy aardse besittings kon hom nie vervul nie. Rudi het een oggend net na vyf uur by die gym aangekom waar hy geoefen het. Hy't gesien hoe 'n man vir die polisie probeer weghardloop. Rudi het toe agter die man aangehardloop en hom gearresteer. Die man se naam was Adrian Meyer. Die polisie het vir baie jare na Adrian gesoek weens verskeie misdrywe. Adrian was toe later vir 40 jaar tronk gestuur nadat Rudi hom gevang het.

Rudi is egter 'n ruk later ook gevonnis vir moord. Rudi en Adrian het mekaar toe weer ontmoet in 'n tronksel in die Brandvlei Maksimum gevangenis. Luister gerus na die program om te hoor wat verder gebeur het.

Luister na die program om 16h00 op die vlg link: www.baasraak.tv/webradio

Coach Freek en sy mede afrigterspan sit saam om die transformasie tafel en gesels oor die gees van Delíla wat daarop uit is om manne en vroue swak te maak en uit te haal.

Gewese Landros Laurie Greyvenstein en Gewese Springbok Kaptein en Speler Theuns Stofberg het saam ons gekuier op ons Transformasie Tafel Zoom Byeenkoms en gesels oor dialoog en sosiale geregtigheid. Jy moet eenvoudig hierna luister.

Coach Freek gesels met mede Baasrakers, oor hoe hulle omstandighede, uitdagings, probleme en terugslae in hulle lewe baas geraak het deur God se genade.

Het jy 'n begeerte om vry en gesond te wees? Is jou vreugde en blydskap gesteel by jou? Jy moet eenvoudig die tyd maak om na Jan se getuienis te luister as jy ja geantwoord het op die bogenoemde vrae. Deel dit ook met almal wat jy ken.

Coach gesels met mede Baasrakers, oor hoe hulle omstandighede, uitdagings, probleme en terugslae in hulle lewe baas geraak het deur God se genade.