Sol Plaatje stadsbestuurder vra om verskoning vir Kimberley water-krisis

Die stadsbestuurder van die Sol Plaatje-munisipaliteit, Thapelo Matlala, het tydens 'n openbare vergadering ná 'n vyf dae lange kraandroogte einde Desember 2022 om verskoning gevra vir die situasie waarin die stad se inwoners gedompel is. Matlala het tydens die vergadering, wat deur die uitvoerende hoof van die Noord-Kaapse Kamer van Koophandel, Sharon Steyn, belê is, gesê Kimberley word deur 'n verskeidenheid potensiële rampe bedreig. Hy het erken dat die klagtes van inwoners gegrond is en dat uitdagings met personeel sowel as stelsels en prosesse – insluitend ’n verandering van kultuur – nodig is om die situasie in Kimberley op te los.