Jeug in Landbou: Hoe ‘n skool ‘n liefde vir landbou kweek

Cari van den Berg, die Landboubestuurspraktyk-onderwyseres by Hoërskool Witteberg in Bethlehem, is passievol oor landbou en die belangrikheid daarvan vir die jeug. By Witteberg bied hulle vier landbou vakke aan, wat studente van graad agt tot twaalf insluit. Die vakke is ontwerp om leerders bloot te stel aan verskillende aspekte van landbou en hulle voor te berei vir moontlike loopbane in die landbousektor.