COP29: SA boere reeds op regte pad

“COP29 was ’n bewys van Suid-Afrika se posisie in die globale arena. Ons is deel van die oplossing en moet voortgaan om innoverend en doelgerig te werk om klimaatsverandering te bestuur.” Jolanda Andrag, AgriSA bedryfshoof, was onlangs deel van die Suid-Afrikaanse afvaardiging wat georganiseerder landbou by COP29, die VN se konferensie oor klimaatsverandering in Baku, Azerbaijan verteenwoordig het. Sy vertel die reuse kongres, waar 32 000 mense teenwoordig was, gaan oor meer as net multilaterale gesprekke oor die finansiering van klimaatsverandering en die impak daarvan.