Help só Noord-Kaapse boere tydens droogte

Hoewel daar onlangs verspreide reënval in sommige dele van die Noord-Kaap was, bly die droogte ’n ernstige uitdaging vir boere in die streek.
Volgens Janine Byleveld, Bedryfsbeampte: Ekonomie, Handel en Natuurlike Hulpbronne van Agri Noord-Kaap, het die oostelike dele van die provinsie, veral naby die grens met Noordwes en die Vrystaat, van die reën voordeel getrek. Daarenteen het gebiede soos Fraserburg, Williston, Sutherland, Brandvlei, Keimoes en Askam baie min reën ontvang. Verder het boere by Vosburg en Victoria-Wes gehoop op reën oor Kersfees, maar dit het ongelukkig nie gerealiseer nie.