RUDI NAGEL - Ware Vrede in ’n Onrustige Wêreld | Shalom, Selfversoening en die Vrug van die Gees

Wat beteken ware vrede (shalom) regtig – nie net as ’n Bybelse konsep nie, maar as ’n tasbare realiteit in die alledaagse lewe? In hierdie diep en eerlike gesprek op Sumpel Live gesels Libby Brits en Rudi Nagel oor selfversoening, innerlike rus en hoe die vrug van die Gees (Galasiërs 5:22–23) prakties sigbaar word te midde van verkeer, deadlines, spanning en onsekerheid oor die toekoms.

Rudi deel hoe ’n eenvoudige waarneming in Jack Muller Park ontwikkel het in ’n lewensveranderende reeks oor bome, groei en geestelike volwassenheid – en waarom dit nie genoeg is om net na die “prentjie van vrede” te kyk nie, maar om onder die koelte daarvan te gaan staan. Die gesprek fokus veral op vrede as fondasie: vrede met jouself, vrede met God en vrede wat standhou in die werklikheid van 2026.