Nog 'n Fishrot verlof om te appelleer-aansoek op pad

Regter Marelise du Plessis het vanoggend 'n aansoek om haar onttrekking in die voortgesette Fishrot-verhoor van die hand gewys. Die onttrekkingsaansoek is deur beskuldigde Sacky Shanghala gebring, met James Hatuikulipi en Mike Nghipunya as mede-aansoekers. Du Plessis het ook die versoek om uitstel van die verhoor van die hand gewys. Die aansoekers se regsverteenwoordiger het egter gesê dat hy van voorneme is om aansoek te doen om verlof om teen die uitstelbeslissing te appelleer, en Du Plessis het daardie verhoor vir 13 April vasgestel.