Minister, Vivo sê oor brandstoftekorte landswyd

Na Dinsdag se paniekaankope is daar brandstof-uitdagings in die land. Talle vulstasies in die hoofstad, en op Rehoboth staan droog met ander wat net ‘n bietjie oor het. Walvisbaai se voorraad is blykbaar laer as dié van Swakopmund en enkele vulstasies op Okahandja het ook nog brandstof. Eienaars wat droog staan sê hulle kry geen antwoorde by hulle verskaffers nie en daar is onbevestigde berigte dat Puma se voorrade op is. Namcor het aan Kosmos 94.1 Nuus bevestig dat hy wel voorraad het. Die lynminister Modestus Amutse het met Kosmos 94.1 Nuus gepraat.