Namdia-roofondersoek gaan steeds voort, hoor NV
Loading player...
Die parlement het kommer uitgespreek oor die stadige vordering met die oplossing van die Namdia-diamantrooftog, wat op 18 Januarie 2025 plaasgevind het. Die ondersoek na die roof van diamante ter waarde van 314,9 miljoen Namibiese dollar is steeds aan die gang, met sewe verdagtes wat tot dusver in hegtenis geneem is. Alhoewel diamante ter waarde van 40,6 miljoen dollar teruggevind is, is stene van meer as 274 miljoen dollar steeds soek. Tydens 'n sitting in die NV vanmiddag het PDM-president McHenry Venaani 'n beroep gedoen op groter aanspreeklikheid. In reaksie hierop het Veiligheid en Sekuriteit-minister Lucia Iipumbu bloot gesê dat ondersoeke voortduur.
