FlyNamibia kap terug

FlyNamibia het reageer op vervoerminister Veikko Nekundi wat beveel het dat vliegkaartjies op die Windhoek-Ondangwa-roete verlaag moet word, en sê pryse word deur vraag en aanbod sowel as stygende bedryfskoste gedryf. Volgens die lugdiens is sowat 67 persent van die koste buite hul beheer, insluitend hoë brandstofpryse weens die monopolie by Eros- en Ondangwa-lughawens. FlyNamibia vra die regering om meer sitplekke op te neem, aangesien hoër aanvraag pryse mettertyd kan verlaag. Die redery het deur Venture Media, wat hul kommunikasie behartig, in 'n verklaring gesê dat hulle ook nie regeringsubsidies kry nie. Elzanne McCulloch, Venture Media se uitvoerende direkteur, het meer.