Studente kan skryf, ten spyte van Nsfaf-vertragings
Loading player...
Die onderwysministerie het studente gerusgestel dat toegang tot hoër onderwys nie ontwrig sal word nie, ten spyte van befondsingsvertragings. Studente sal mag eksamens skryf. Die ministerie sê Nsfaf gaan voort om klasgeld- en nie-klasgeldbetalings vir hierdie akademiese jaar te verwerk. Die ministerie se woordvoerder, Esther Angula, het aan Kosmos 94.1 Nuus gesê dat die fonds reeds voorskotbetalings aan hoëronderwysinstellings gemaak het om studenteregistrasie te vergemaklik, terwyl spanne voortgaan om te werk om alle wettige betalings so gou as moontlik te finaliseer.
