Houtkappery het weer begin, onvoldoende toesig
Loading player...
Die onwettige kap van bome het weer in Noord-Namibië posgevat, en daar heers toenemende kommer oor die afkap van bome op plase naby die Mururani-hek in Kavango Wes. Mark Paxton, eienaar van Shamvura Camp, het aan Kosmos 94.1 Nuus gesê dat hierdie bedrywighede blykbaar reeds weke of selfs maande lank aan die gang is - foto's toon dat boomstamme reeds langs die hoofpad opgestapel is. Paxton beweer dat permitte moontlik vir 'n beperkte aantal bome uitgereik word, terwyl daar uiteindelik baie meer bome afgekap word.
