Kantema sê beskerming van kinders almal se verantwoordelikheid

Die minister van Geslagsgelykheid, Emma Kantema, sê die beskerming van kinders se welstand is 'n verantwoordelikheid wat deur almal ernstig opgeneem moet word. In 'n toespraak by die SOS Kinderdorp in Windhoek het Kantema Namibië se verbintenis tot internasionale en kontinentale raamwerke, insluitend die VN-konvensie oor die Regte van die Kind en die Afrika-Handves oor die Regte en Welsyn van die Kind, beklemtoon. Sy sê dat hierdie verdrae 'n belangrike fondament lê om te verseker dat kinders beskerm, gehoor en gelyke geleenthede gegee word om hul volle potensiaal te bereik.