Landbou-ministerie bekom N$40m om graan van plaaslike boere te koop
Loading player...
Die ministerie van landbou sê dit het 40 miljoen Namibiese dollar bekom om graan van plaaslike boere te koop wat nie die vorige seisoen se oes kon verkoop nie. Baie boere hou steeds hul graan-oeste in stoor, en hoe langer dit lê, hoe groter is die risiko dat dit kan bederf wat groot finansiële verliese kan meebring. Die Ministerie erken dat die 40 miljoen dollar moontlik nie genoeg is om alle klein- en medium-skaalse boere se oeste te koop nie. Waarnemende uitvoerende direkteur, Petrus Nangolo sê hulle is steeds op soek na addisionele befondsing.
