
Aktualiteit: Staar Pretoria 'n algehele waterkrisis in die gesig?
Loading player...
Gauteng se waterkrisis plaas inwoners, besighede en plaaslike owerhede toenemend onder druk. Die Stad Tshwane het op 16 November 2026 Vlak 2-waterbeperkings met onmiddellike effek aangekondig nadat waterverbruik sedert September die stad se permanente watertoewysing met 34% oorskry het. Die metro moet sy verbruik met 200 miljoen liter per dag verminder, terwyl inwoners ook met hoër watertariewe en moontlike boetes van minstens R5 000 vir oortredings te doen kry. Maar is ons waterprobleem bloot ’n kwessie van te veel verbruik, of lê die groter probleem by infrastruktuur, bestuur en langtermynbeplanning? Sarina en Tanya gesels met waterbioloog en onafhanklike waterkenner Francois van Wyk.

