Man verskyn weens moord op vriendin by Smithfield-plaas

'n Man (28) wat in hegtenis geneem is in verband met die beweerde moord op sy vriendin op 'n plaas naby Smithfield, sal na verwagting vandag om borgtog aansoek doen in die plaaslike landdroshof.

Petrus Lempetjhe het glo sy vriendin op die plaas Haasfontein naby Smithfield met 'n ysterpyp en houtpaal aangerand. Hy is enkele minute ná die voorval Sondag in hegtenis geneem.

Die 32-jarige slagoffer se tweejarige seuntjie was by haar toe haar liggaam gevind is.

Vrystaatse polisiewoordvoerder, Yanga Ngcukana het vroeêr aan OFM-nuus gesê Lempetjhe is aangekeer toe hy na sy huis onderweg was.