Samewerking beste wapen teen bek-en-klou

Samewerking is Namibië se grootste bate in die stryd teen bek-en-klouseer. Só sê Roelie Venter, die uitvoerende hoof van die Namibiese Landbou-unie. Venter het tydens 'n inligtingsdag in Grootfontein gesê 'n gesamentlike poging deur die regering, die privaatsektor en boerderygemeenskappe is van kritieke belang om die verspreiding van bek-en-klouseer te voorkom, want dit sal Namibië se winsgewende uitvoermarkte in die EU, China en die Verenigde State bedreig.